ಕ್ಯಾಮೆಲಿಡ್ ಆಂಟಿಬಾಡಿ ಮೂಲಕ ಸೂಪರ್‌ಬಗ್ ಸಾಗಣೆಕಾರಕ/ಟ್ರಾನ್ಸ್ಪೋರ್ಟರಿನ ನಿರ್ಬಂಧ

ರೋಗಕಾರಕ ಬ್ಯಾಕ್ಟೀರಿಯಾದ ಬಹು ಔಷಧಿ ನಿರೋಧಕಗಳಲ್ಲಿ ಟ್ರಾನ್ಸ್‌ಪೋರ್ಟರ್‌ಗಳು ಪ್ರಮುಖ ಅಂಶಗಳು. ಈ ಜೀವಕೋಶ ಪೊರೆಯ-ಅಂತರ್ಗತ ಯಂತ್ರಗಳ ಅಣ್ವಿಕ ರಚನೆಯನ್ನು ಅರ್ಥಮಾಡಿಕೊಳ್ಳುವ ತಿಳಿವಳಿಕೆಯು ಅವುಗಳ ಪ್ರತಿರೋಧಕಗಳನ್ನು ರೂಪಿಸಲು ಎಡೆ ಮಾಡಿಕೊಡುತ್ತದೆ. ಆ ಮೂಲಕ ಈ ಬ್ಯಾಕ್ಟೀರಿಯಾಗಳಿಂದ ಉಂಟಾಗುವ ರೋಗಗಳ ಚಿಕಿತ್ಸೆಗೆ ನೆರವು ನೀಡುತ್ತದೆ. ಅಣ್ವಿಕ ಜೀವಭೌತಶಾಸ್ತ್ರ ಘಟಕದ ಅರವಿಂದ ಪೆನ್ಮತ್ಸಾ ಮುಂದಾಳತ್ವದಲ್ಲಿ ಸಂಶೋಧಕರು ಇಂಡಿಯನ್ ಕ್ಯಾಮೆಲಿಡ್ ಆಂಟಿಬಾಡಿ (ಐಸಿಎಬಿ) ಯೊಂದಿಗೆ ಸಂಕೀರ್ಣವಾದ ಇಂತಹ ಒಂದು ಸಾಗಣೆಕಾರಕ NorC ದ ಪರಮಾಣು -ರೆಸಲ್ಯೂಶನ್ ರಚನೆಯನ್ನು ಹೊಸ ಅಧ್ಯಯನವೊಂದರಲ್ಲಿ ಕಂಡುಹಿಡಿದಿದ್ದಾರೆ. ಇಲ್ಲಿ ಅವರು ಒಂದೇ ಸ್ಥಿತಿಯಲ್ಲಿ ಸಾಗಣೆಕಾರಕ ಹುದುಗುವುದು ಮಾತ್ರವಲ್ಲದೆ ಐಸಿಎಬಿಯು ಸಾಗಣೆಕಾರಕನ್ನು “ಬಾಟಲ್-ಕಾರ್ಕ್” ನಂತೆ ಪರಿಣಾಮಕಾರಿಯಾಗಿ ಮುಚ್ಚಿ ಅದು ಬ್ಯಾಕ್ಟೀರಿಯಾ ವಿರೋಧಿ ಸಂಯುಕ್ತಗಳೊಂದಿಗೆ ಅಂತರಕ್ರಿಯೆಮಾಡದಿರಲು ಅಸಮರ್ಥವಾಗಿ ಮಾಡಿತು ಎಂದು ತಿಳಿದರು.

NorC ಎಂಬುದು ಸ್ಟಫಿಲೋಕೊಕಸ್ ಔರಿಯಸ್‌ನಲ್ಲಿ ಕಂಡುಬರುವ ಸಾಗಣೆಕಾರಕವಾಗಿದ್ದು, ಇದು ನಾರ್ಫ್ಲೋಕ್ಸಸಿನ್ ಮತ್ತು ಮಾಕ್ಸಿಫ್ಲೋಕ್ಸಸಿನ್ ನಂತಹ ವಿಶಾಲ ವ್ಯಾಪ್ತಿಯ ಆಂಟಿಬಯಾಟಿಕ್ಗಳ ವಿರುದ್ಧ ಪ್ರತಿರೋಧವನ್ನು ಒದಗಿಸುತ್ತದೆ. NorC ಯಂತಹ ಸಾಗಣೆಕಾರಕಗಳು ಜೀವಕೋಶದ ಪೊರೆಯೊಳಗಿರುವುದರಿಂದ ಅವುಗಳನ್ನು ಮೂಲ ಆಕಾರದಲ್ಲಿ ಹೊರತೆಗೆಯುವುದು ಕಷ್ಟವಾಗುತ್ತದೆ. ಎಕ್ಸ್-ರೇ ಕ್ರಿಸ್ಟಲೋಗ್ರಫಿಯನ್ನು ಮಾಡಲು ಬೇಕಾದ ಸ್ಫಟಿಕಗಳ ರಚನೆಗೆ ಸಹಾಯ ಮಾಡುವ ಆವರ್ತಕ ವ್ಯವಸ್ಥೆಯಲ್ಲಿ ಅಣುಗಳನ್ನು ಸೇರಿಸುವುದು ಕೂಡ ಕಷ್ಟ. ಭಾರತೀಯ ಒಂಟೆಯಿಂದ ಪಡೆದ ಸಿಂಗಲ್-ಡೊಮೇನ್ ಆಂಟಿಬಾಡಿ ತುಂಡನ್ನು ಬಳಸಿ NorCಗೆ ಹೊಂದಿಕೊಂಡಿರುವ ICab ಸಂಕೀರ್ಣ ವನ್ನು ಹರಳೀಕರಿಸಲು NorC ಯನ್ನು ಅದರ ಮೂಲ ರೂಪದಲ್ಲಿ ವಿಶೇಷ ಡಿಟರ್ಜೆಂಟ್ ಮಿಶ್ರಣಗಳನ್ನು ಬಳಸಿ ಸಂಶೋಧಕರು ಹೊರತೆಗೆದರು. (ಬಿಕನೇರ್‌ನರಾಷ್ಟ್ರೀಯ ಸಂಶೋಧನಾ ಕೇಂದ್ರದಲ್ಲಿ ಒಂಟೆಯಲ್ಲಿ ರೋಗನಿರೋಧಕತೆಯನ್ನು ಮಾಡಲಾಯಿತು) ಒಂಟೆಗಳು, ಲಾಮಾಗಳು ಮತ್ತು ಶಾರ್ಕ್‌ಗಳು ವಿಶಿಷ್ಟವಾದ ಒಂದೇ ಆಯಾಮದ ಆಂಟಿಬಾಡಿಗಳನ್ನು ಹೊಂದಿದ್ದು ಅವುಗಳ ಆಂಟಿಬಾಡಿಗಳು ಸಾಂಪ್ರದಾಯಿಕ ಆಂಟಿಬಾಡಿಗಳಿಗೆ ಹೋಲಿಸಿದರೆ ಚಿಕ್ಕದಾಗಿದ್ದು ಆಂಟಿಜನ್ನುಗಳ ಮೇಲ್ಮೈಯ ಆಳವಾದ ಭಾಗಗಳೊಂದಿಗೆ ಹೆಚ್ಚು ಪರಿಣಾಮಕಾರಿಯಾಗಿ ಪ್ರತಿಕ್ರಿಯಿಸುತ್ತವೆ.

ಎಕ್ಸ್-ರೇ ಕ್ರಿಸ್ಟಲೋಗ್ರಫಿಯನ್ನು ಬಳಸಿ NorC – ICab ಸಂಕೀರ್ಣ ರಚನೆಯನ್ನು ತಿಳಿದು ತಂಡವು ICab ತನ್ನನ್ನು ತಾನೇ ಸಾಗಣೆಕಾರಕದ ತಲಾಧಾರ-ಬಂಧಿಸುವ ಕುಹರದೊಳಗೆ ಸೇರಿಸಿಕೊಂಡಿತು ಎಂದು ತಿಳಿಯಿತು. ತನ್ಮೂಲಕ ಪರಿಣಾಮಕಾರಿಯಾಗಿ ಬ್ಯಾಕ್ಟೀರಿಯಾ ವಿರೋಧಿ ಸಂಯುಕ್ತಕ್ಕೆ ಅದರ ಪ್ರವೇಶವನ್ನು ತಡೆಯುತ್ತದೆ. ಸಾಗಣೆಕಾರಕಗಳು ಅಣ್ವಿಕ ಯಂತ್ರಗಳಾಗಿದ್ದರೂ, ತಮ್ಮ ತಲಾಧಾರಗಳನ್ನು ಸಾಗಿಸಲು ತಮ್ಮ ರೂಪವನ್ನು ಬದಲಾಯಿಸಬೇಕಾಗಿದ್ದರೂ ICabಯು NorCಗೆ ಜೋಡನೆಯಾಗುವುದರಿಂದ ಒಂದೇ ಸ್ವರೂಪವಾಗಿರುತ್ತದೆಂದು ತಂಡದ ಅಧ್ಯಯನದಲ್ಲಿ ಕಂಡುಕೊಂಡಿದೆ.

ಈ ವಿಚಾರಗಳು ಕ್ಯಾಮೆಲಿಡ್ ಆಂಟಿಬಾಡಿಗಳಂತಹ ಸಾಧನಗಳನ್ನು ಬಳಸಿಕೊಂಡು ರೋಗಕಾರಕ ಬ್ಯಾಕ್ಟೀರಿಯಾದಲ್ಲಿ ಸಾಗಣೆಕಾರಕದ ಮಧ್ಯಸ್ಥಿಕೆಯ ಆಂಟಿಬಯಾಟಿಕ್ ಪ್ರತಿರೋಧವನ್ನು ಎದುರಿಸಲು ತಂತ್ರಗಳನ್ನು ರೂಪಿಸಲು ಗಮನಾರ್ಹವಾಗಿ ಸಹಾಯ ಮಾಡುತ್ತದೆ. NorC ರಚನೆ ಮತ್ತು ಸ್ವರೂಪವನ್ನು ಈಗಾಗಲೇ ತಿಳಿದಿರುವುದರಲ್ಲಿ ಮೊದಲನೆಯದಾಗಿದೆ. ಇದು ಇತರ ರೋಗಕಾರಕ ಬ್ಯಾಕ್ಟೀರಿಯಾದಿಂದ ಇದೇ ರೀತಿಯ ಔಷಧ ಫ್ಲಕ್ಸ್ ಸಾಗಣೆಕಾರಕಗಳ ಅಧ್ಯಯನ ಮಾಡಲು ಒಂದು ಮಾದರಿಯನ್ನು ಒದಗಿಸುತ್ತದೆ.

ಉಲ್ಲೇಖಗಳು:

1. ಕುಮಾರ್, ಎಸ್., ಆತ್ರೇಯ, ಎ., ಗುಲಾಟಿ, ಎ. ನಾಯರ್, ಆರ್ಎಂ, ಮಹೇಂದ್ರನ್, ಐ., ರಂಜನ್, ಆರ್. ಮತ್ತು ಪೆನ್ಮತ್ಸ, ಎ.ಸ್ಟ್ರಕ್ಚರಲ್ ಬೇಸಿಸ್ ಆಫ್ ಇನ್ಹಿಬಿಷನ್ ಆಫ್ ಎ ಪೂಟೇಟಿವ್ ಡ್ರಗ್ ಎಫ್ಲಕ್ಸ್ ಟ್ರಾನ್ಸ್ ಪೋರ್ಟರ NorC ತ್ರು ಎ ಸಿಂಗಲ್ ಡೊಮೇನ್ ಕ್ಯಾಮೆಲಿಡ್ ಆಂಟಿಬಾಡಿ, ಕಮ್ಯೂನ್. ಬಯೋಲ್. (2021) 4: 836. (https://doi.org/10.1038/s42003-021-02357-x)

2. ಕುಮಾರ್, ಎಸ್., ಮಹೇಂದ್ರನ್, ಐ., ಆತ್ರೇಯ, ಎ., ರಂಜನ್, ಆರ್ ಮತ್ತು ಪೆನ್ಮತ್ಸ, ಐಸೊಲೇಷನ್ ಅಂಡ್ ಸ್ರ್ಟಕ್ಚರಲ್ ಕ್ಯಾರೆಕ್ಟರೈಸೇಷನ್ ಆಫ ಬೌಂಡ್ ಸಿಂಗಲ್ ಡೊಮೇನ್ ಆಂಟಿಬಾಡಿ ಅಗೇನ್ಸ್ಟ್ NorC .  ಜೆ. ಬಯೋಲ್. ಕೆಮ್. (2020). 295 (1), 55-68. (DOI: 10.1074/jbc.RA119.010902)

ಲ್ಯಾಬ್ ವೆಬ್‌ಪುಟ:

https://aplabmbu.weebly.com