ಡೀನ್ ಗಳು

ಡೀನ್, ಎಂಜಿನಿಯರಿಂಗ್ ವ್ಯಾಸಂಗ ಶಾಖೆ
ಪ್ರೊ ವೈ ಎನ್ ಶ್ರೀಕಾಂತ್
ಇ-ಮೇಲ್: dean.engg@iisc.ac.in
ದೂರವಾಣಿ: 91- 80 – 2293 2044

ವೈ.ಎನ್.ಶ್ರೀಕಾಂತ್ ಅವರು ಬೆಂಗಳೂರು ವಿಶ್ವವಿದ್ಯಾಲಯದಿಂದ ಎಲೆಕ್ಟ್ರಾನಿಕ್ಸ್ ಬಿ.ಇ. ಪದವಿ ಪಡೆದಿದ್ದಾರೆ. ನಂತರ, ಭಾರತೀಯ ವಿಜ್ಞಾನ ಸಂಸ್ಥೆಯ ಕಂಪ್ಯೂಟರ್ ವಿಜ್ಞಾನ ಮತ್ತು ಆಟೋಮೇಷನ್ ವಿಭಾಗಗಳಿಂದ ಕ್ರಮವಾಗಿ ಎಂ.ಇ. ಹಾಗೂ ಪಿಎಚ್.ಡಿ. ಗಳಿಸಿದ್ದಾರೆ. ಕಂಪೈಲರ್ ಡಿಸೈನ್ ಮತ್ತು ಲ್ಯಾಂಗ್ವೇಜ್ ಪ್ರೋಗ್ರ್ಯಾಮಿಂಗ್ ಅವರ ಆಸಕ್ತಿಯ ಕ್ಷೇತ್ರಗಳು. ಅವರು 1987ರಲ್ಲಿ ಸಹಾಯಕ ಪ್ರೊಫೆಸರ್ ಆಗಿ ಸಿಎಸ್ಎ ವಿಭಾಗ ಸೇರಿದರು. 2000-2005ರ ಅವಧಿಯಲ್ಲಿ ಸಿಎಸ್ಎ ಛೇರ್ ಮ್ಯಾನ್ ಆಗಿದ್ದರು.

ಡೀನ್, ವಿಜ್ಞಾನ ಶಾಖೆ
ಪ್ರೊ ಎ ಜಿ ಸ್ಯಾಮುಯೇಲ್ಸನ್
ಇ-ಮೇಲ್: dean.sci@iisc.ac.in
ದೂರವಾಣಿ: 91- 80 – 2293 3355

ಅಶೋಕ ಸ್ಯಾಮ್ಯುಯೆಲ್ಸನ್ ಅವರು ಐಐಟಿ ಮದ್ರಾಸ್ ನಲ್ಲಿ 1978ರಲ್ಲಿ ರಸಾಯನ ಶಾಸ್ತ್ರದಲ್ಲಿ ಎಂ.ಎಸ್ಸಿ. ವ್ಯಾಸಂಗ ಮಾಡಿದರು. ನಂತರ, ಕಾರ್ನೆಲ್ ವಿಶ್ವವಿದ್ಯಾಲಯದಿಂದ 1983ರಲ್ಲಿ ಪಿಎಚ್.ಡಿ. ಪಡೆದರು. 1983ರಲ್ಲಿ ಭಾರತೀಯ ವಿಜ್ಞಾನ ಸಂಸ್ಥೆ ಸೇರಿದರು. ಆಗಿನಿಂದಲೂ ಸಂಸ್ಥೆಯ ನಿರವಯವ ಮತ್ತು ಭೌತ ರಸಾಯನ ಶಾಸ್ತ್ರ ವಿಭಾಗದ ಅಧ್ಯಾಪಕ ವರ್ಗದಲ್ಲಿದ್ದಾರೆ. ಹೊಸ ವೇಗವರ್ಧಕಗಳ ತಯಾರಿಕೆಗೆ ಸಂಬಂಧಿಸಿದಂತೆ ಆರ್ಗ್ಯಾನೋಮೆಟ್ಯಾಲಿಕ್ ಮತ್ತು ಕೋಆರ್ಡಿನೇಷನ್ ಕೆಮಿಸ್ಟ್ರಿಯಲ್ಲಿ ಸಂರಚನಾ ಕ್ರಿಯಾಶೀಲತೆ ಸಂಬಂಧಗಳು ಅವರು ಆಸಕ್ತಿಯ ಕ್ಷೇತ್ರಗಳಾಗಿವೆ.

ಡೀನ್, ಪದವಿಹಂತದ ಶೈಕ್ಷಣಿಕ ಕೋರ್ಸ್ (ಅಂಡರ್ ಗ್ರ್ಯಾಜುಯೇಟ್ ಪ್ರೋಗ್ರ್ಯಾಮ್)
ಪ್ರೊ. ಪಿ ಎಸ್ ಅನಿಲ್ ಕುಮಾರ್

ಇ-ಮೇಲ್: dean.ug@iisc.ac.in
ದೂರವಾಣಿ: 91- 80 – 2293 3558/3399/2632

ಪಿ.ಎಸ್.ಅನಿಲ್ ಕುಮಾರ್ ಅವರು ಪುಣೆ ವಿಶ್ವವಿದ್ಯಾಲಯದಲ್ಲಿ ಪಿಎಚ್.ಡಿ. (1998ರಲ್ಲಿ) ಪದವಿ ಗಳಿಸಿದ್ದಾರೆ. ವರ್ಷ 2000ನೇ ಇಸವಿಯವರೆಗೂ ಅವರು ನೆದರ್ ಲ್ಯಾಂಡ್ಸ್ ನ  ಟ್ವೆಂಟಿ ವಿಶ್ವವಿದ್ಯಾಲಯದ ಡಚ್ ಟೆಕ್ನಾಲಜಿ ಫೌಂಡೇಷನ್ ನ ಪೋಸ್ಟ್ ಡಾಕ್ಟೋರಲ್ ಫೆಲೋ ಆಗಿದ್ದರು. ನಂತರ, ಅವರು ಮ್ಯಾಕ್ಸ್ ಪ್ಲ್ಯಾಂಕ್ ಪೋಸ್ಟ್ ಡಾಕ್ಟೋರಲ್ ಫೆಲೋಷಿಪ್ ನೊಂದಿಗೆ ಜರ್ಮನಿಯ ಮ್ಯಾಕ್ಸ್ ಪ್ಲ್ಯಾಂಕ್ ಇನ್ಸ್ ಟಿಟ್ಯೂಟ್ ಆಫ್ ಮೈಕ್ರೋಸ್ಟ್ರಕ್ಚರಲ್ ಫಿಸಿಕ್ಸ್ ಗೆ ತೆರಳಿದರು. ಬಳಿಕ, ಅವರು ಅಲೆಕ್ಸಾಂಡರ್ ವೋನ್ ಹುಂಬೋಲ್ದ್ ತ್ ಫೆಲೋಷಿಪ್ ಗೆ ಪಾತ್ರವಾದರು. ಭಾರತೀಯ ವಿಜ್ಞಾನ ಸಂಸ್ಥೆಯ ಭೌತಶಾಸ್ತ್ರ ವಿಭಾಗಕ್ಕೆ 2004ರಲ್ಲಿ ಸೇರಿದರು. ಸ್ಪಿನ್ ಟ್ರಾನಿಕ್ಸ್, ಅಯಸ್ಕಾಂತೀಯ ನ್ಯಾನೋ- ಸಂರಚನೆಗಳು, ಮ್ಯಾಗ್ನೆಟೋಟ್ರಾನ್ಸ್ ಪೋರ್ಟ್ ಇನ್ ಮೆಟ್ಯಾಲಿಕ್ ಮಲ್ಟಿಲೇಯರ್ಸ್ ಅಂಡ್ ಆಕ್ಸೈಡ್ಸ್, ಟೋಪೋಲಾಜಿಕಲ್ ಇನ್ಸುಲೇಟರ್ಸ್, ಅತ್ಯಂತ ತೆಳುವಾದ ಫೆರೋ ಮ್ಯಾಗ್ನೆಟ್ ಗಳ ಅಯಸ್ಕಾಂತೀಯ ಗುಣಲಕ್ಷಗಣಗಳು ಇತ್ಯಾದಿ ಅವರ ಆಸಕ್ತಿಯ ಸಂಶೋಧನಾ ವಲಯಗಳಾಗಿವೆ.

ಅಸೋಸಿಯೇಟ್ ಡೀನ್, ಪದವಿಹಂತದ ಶೈಕ್ಷಣಿಕ ಕೋರ್ಸ್ (ಅಂಡರ್ ಗ್ರ್ಯಾಜುಯೇಟ್ ಪ್ರೋಗ್ರ್ಯಾಮ್)
ಪ್ರೊ ನಾಗಸುಮ ಚಂದ್ರ
ಇ-ಮೇಲ್: ascdean.ugacad@iisc.ac.in
ದೂರವಾಣಿ: 91- 80 – 2293 3554/2892
91-80-2360-1552 / 2360-0683

ನಾಗಸುಮ ಚಂದ್ರ ಅವರು ಯುನೈಟೆಡ್ ಕಿಂಗ್ ಡಮ್ ಬ್ರಿಸ್ಟಲ್ ವಿಶ್ವವಿದ್ಯಾಲಯದಿಂದ 1992ರಲ್ಲಿ ಪಿಎಚ್.ಡಿ. ಪದವಿ ಗಳಿಸಿದ್ದಾರೆ. ಸಂರಚನಾ ಜೀವಶಾಸ್ತ್ರ ಕ್ಷೇತ್ರದಲ್ಲಿ ನೆಹರು ಸೆಂಟೆನರಿ ಫೆಲೋಷಿಪ್ ಮೂಲಕ ಅವರು ಪಿಎಚ್.ಡಿ. ವ್ಯಾಸಂಗ ಮಾಡಿದರು. ನಂತರ, ಅವರು ಬೆಂಗಳೂರಿನ ಭಾರತೀಯ ವಿಜ್ಞಾನ ಸಂಸ್ಥೆ ಸೇರಿದರು. ಪೋಸ್ಟ್ ಡಾಕ್ಟೋರಲ್ ಫೆಲೋ ಆಗಿ ಸಂಸ್ಥೆ ಸೇರಿದ ಅವರು ನಂತರ ತಮ್ಮದೇ ಸಂಶೋಧನಾ ತಂಡ ರಚಿಸಿದರು. ಪ್ರಸ್ತುತ ಅವರು ಜೀವರಸಾಯನ ಶಾಸ್ತ್ರ ವಿಭಾಗದಲ್ಲಿ ಪ್ರೊಫಸರ್ ಆಗಿದ್ದಾರೆ. ಜೊತೆಗೆ, ಸಂಸ್ಥೆಯ ಜೈವಿಕ ಎಂಜಿನಿಯರಿಂಗ್ ಮತ್ತು ಗಣಿತೀಯ ಜೀವಶಾಸ್ತ್ರ ಉಪಕ್ರಮಗಳಲ್ಲಿ ಭಾಗಿಯಾಗಿದ್ದಾರೆ. ಮಾಲಿಕ್ಯುಲರ್ ಸಿಸ್ಟಮ್ಸ್ ಬಯಾಲಜಿ ಕ್ಷೇತ್ರವನ್ನು ಸ್ಥಾಪಿಸಿದ ಶ್ರೇಯ ಅವರದ್ದಾಗಿದೆ. ಸಂಸ್ಥೆಯಲ್ಲಿ ಜೈವಿಕ ಮಾಹಿತಿ (ಬಯೋಇನ್ ಫರ್ಮ್ಯಾಟಿಕ್ಸ್) ಅಭಿವೃದ್ಧಿಪಡಿಸುವುದರಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಸಂಕೀರ್ಣ ಜೈವಿಕ ಪ್ರಕ್ರಿಯೆಗಳ ಕಾಂಪ್ಯುಟೇಷನಲ್ ಮಾಡೆಲಿಂಗ್ ಅವರ ಅಂತರಶಿಸ್ತು ಸಂಶೋಧನೆಯಾಗಿದೆ. ಅವರು, ಇಂಡಿಯನ್ ಅಕಾಡೆಮಿ ಆಫ್ ಸೈನ್ಸಸ್ ನ ಚುನಾಯಿತ ಗೌರವ ಸದಸ್ಯ ಆಗಿದ್ದಾರೆ.